Covid19 leh a Behbawm

Rev. Dr. Zaichhawna Hlawndo

Khawvel pumin a manganpui COVID19 hrileng chuan Zofate nun phung pawh a chawkbuai hneh hle mai. Hrileng kai hlauh avangin-

1.Curfew kan puang a.

2. Biakin zawng zawng kan khar a.

3. Zirna in zawng zawng kan khar a.

4. Chhungte leh thenrual thate Damdawiina damlo kan pawh kan khap a.

5. Mitthivui dan pangngaia vui kan khap a.

6. Hotel siama eizawngte sum hnar kan titawp a.

7. Dawrkai tam tak eizawnna kan khar a.

8. Mi zawng zawngin hmui tuam tur tih thupek khauh tak kan chhuah a.

COVID19 hrileng chu: -

1. Mizoram ah mi engzatin nge vei tawh?

- Pakhat

2.Chu hrileng chu khawi atanga a kai nge?

- Mizoram pawn atangin.

3. Damlo chu engtinnge a awm?

- Lalpan Kan tawngtaina chhangin a tidam tawh.

4. A chhungte leh a chenpuite leh a enkawltu Doctorten an kai em?

- Pathian in kan tawngtaina a chhang a, tuman an kai kan hrelo.

COVID19 hrileng dona in a tha zawngin Zofate min nghawng?

1. Kan pianana ZONUNMAWI "sem sem dam dam" nunah kan hawi kir leh mek.

2. Kan pianna ZONUNMAWI " thih leh ruam khatah dam leh tlang khatah" tih chu a takin kan nunpui leh mek.

3. Chhungkaw nun thar tam tak apiang.

4. Zofate nasa takin min ti pum khat.

5. Ram hruaitute pawhin party mi thleibik nei lovin nasa takin hma an la.

6. Kohhran pawl emaw pawllo in lak bingna leh indona boruak a reh duak.

7. Ruihhlo ngai tam tak ten an sim.

8. Mihring nunna hlutzia kan hre thar

COVID19 hrileng dona in a thalo zawnga Zofate min nghawng dan.

1. Kan Pathian nung be turin Kohhran Pawl pakhatmahin Pathian Biakin kan hawng theilo.

2. ZONUNMAWI tlawmngaihna hmanga chhiatni leh thatni a kan in tawiawm dial dialte kha a tih that theih loh.

3. Zofate Pathian nung ringtute hmelma pain he hrileng hmang hian min rum thaih a. Mi tam tak chu hlauhna hrilengin a phuar bet mek a, rilru natna (depression) nei an pung.

4. Ei leh in nitin mamawhte to tak takin kan zuar a, miretheite chu retheih leh zualna khurah kan in khung mek.Mi intodelh tawhte mirethei ah kan siam mek.

5. Damlo kan ngai ngawih ngawih leh mitthi vui leh in ral ngai pawh COVID19 hrileng kai hlauh avangin kan ti hleitheilo.

6. Engmah tih tur nei lovin in chhungah ni tam tak kan in khung a, hei hian mobile phone ruihchilh, thatchhiatna leh dawngdahna ah min hruai lut.

7. Tul lovah rethei tanpui ngaiin chhungkaw tam tak kan siam a, hei hian kan thlarau rilru leh taksa thlengin a khawihpawi mek.

8. Tul lovah kan in sawithaih vak vak a, he insawihthaihna hrileng, COVID19 hrileng ai maha hlauhawm HLAUHNA hri hian kan ram dung leh vang a tuam mek.

Engtinnge kan kal zel dawn?

1. COVID19 hrileng kan do bera hi Mizoram ah do tur a awm reng em? Hrileng hlauva kan lo do dan hian mimal, chhungkua, khawtlang, kan ram leh hnam leh Kristianna engtinnge kan nghawng tir zel dawn?

2. COVID19 hrileng laka min humhimtu Lalpa Pathian hnena lawmthu sawi a, fak leh chawimawi hi a hun tawh zawk lo maw?

3. Thil hi a LUTUK hi a thalo tlangpui a, COVID19 hrileng kan do danah hian Pathian duh danin kan la kal zel em tihte hi tih tak zeta Pathian rawn a hun viau lo maw?

4. Ram pawn atanga COVID19 hrileng vei lo lut laka kan him nan theihtawp chhuah chhunzawm zel nise.

5. Zofa ram pawn atanga lo hawte inkharkhip ( quarantine ) uluk taka kalpui nise